ಜಾಗೃತಿ

ಜಾಗೃತಿ

ಕನ್ನಡಿಗ ಕನ್ನಡಿಗ ಜಾಗೃತನಾಗು ಭರದಿಂದ
ಪರಜಿಹ್ವಾವಲಂಬನೆಯಿಂದ ಮುಕ್ತನಾಗು ತ್ವರೆಯಿಂದ
ಉಳಿಸು ಬೆಳೆಸು ನೀ ಕನ್ನಡವ ಎಲ್ಲೆಲ್ಲೂ ಸಾರುತ
ಕನ್ನಡಾಂಬೆಯ ಪಾದಗಳಿಗೆ ಅನುದಿನವು ನಮಿಸುತ || ೧ ||

ನಾಚಿಕೆ ನಾಡಿನ ನಾಲಿಗೆ ಮೇಲೆ ನಿನಗಿಂದು ಏತಕೆ?
ಕನ್ನಡ ಕಲಿಗಳ ಕವಿಗಳ ಕರೆಗಳು ಕರ್ಣಕೆ ಕರ್ಕಶವೇ?
ಮಲತಾಯಿಯ ಮೊಲೆಹಾಲಿನ ಮೋಡಿಯು  ಮತಿಯನು ಮಂದಿಸಿತೆ?
ಅಮ್ಮನು ಉಣಬಡಿಸಿದ ಅಗ್ರನುಡಿಯು ಅಪವ್ಯಯವಾಯಿತೇ? || ೨ ||

ಆಷಾಡಭೂತಿಯಂತೆ ಮೌನಮೃಗವಾಗದೆ
ಸೂರ್ಯನಕುದುರೆಗೆ ಅರುಣಾನಿದ್ದಂತೆ ಮುನ್ನುಗ್ಗು ಕಣಕೆ
ಉಯ್ಯಾಲೆಯಂತೆ ಅಳೆಯುವ ಮನವನು ಅಂಕೆಯಲ್ಲಿರಿಸಿ
ಪಲ್ಲಟಗೊಳಿಸು ದಿವ್ಯಭಾಷೆಗೆ ಆವರಿನಿಸಿಹ ಗೋಡೆಯ || ೩ ||

ಮೈಸೂರು ಮಲ್ಲಿಗೆ ಜಾಜಿ ಇರುವಂತಿಗೆ
ಪುಷ್ಪರಾಣಿಯ ಹೂಗೊಂಚಲು ಚೈತನ್ಯ ಪೂಜೆಗೆ
ಶೀಲಾಲತೆಯ ಮಲ್ಲಿಗೆಯ ಮಾಲೆ ಸಂಜೆ ಹಾಡೊಂದಿಗೆ
ತೆರೆದು ಬಾಗಿಲ ಬರಮಾಡಿಕೊ ಕನ್ನಡ ಮಣ್ಣಿನ ವಾಸನೆ   || ೪ ||

ಜ್ಞಾನ ದೀಪವ ಬೆಳಗಿಸಿ ಮೈಮನ ರಂಜಿಪ
ನಾಕುತಂತಿಯ ನಾದಲೀಲೆಗೆ ಜೀವಲಹರಿಯ ತುಂಬುವ
ಹಿಮವದ್ಗೋಪಸಿರಿಯ ಮುರಳಿ ನಾದದೊಂದಿಗೆ
ಭೂಮಿಗೀತೆಯ ಹಡುತಲಿ ಕನ್ನಡ ಬಾವುಟ ಹಾರಿಸು  || ೫ ||

-  ಶ್ರೀಧರ ಚಕ್ರವರ್ತಿ 

Tweet

Pin It